Taal en praktyk : 'n gevallestudie oor Afrikaans Eerste Addisionele Taal by graad 4-leerders in 'n meertalige skool
Date
2019
Authors
Journal Title
Journal ISSN
Volume Title
Publisher
LitNet
Abstract
Meertalige onderrig en leer het ’n komplekse en algemene verskynsel in Suid-Afrikaanse skole
geword, maar daar is nog steeds nie genoeg navorsing gedoen oor hoe leerders met verskillende
huistale en kulture mekaar beïnvloed wanneer hulle ’n nuwe taal aanleer nie. Hierdie ondersoek
fokus op sosiaal-konstruktivistiese mondelinge en skriftelike leerpraktyke van Afrikaans
Eerste Addisionele Taal (EAT) vir graad 4-derde- of -vierdetaalsprekers. Die ondersoek het
die vorm aangeneem van ’n gevallestudie met kwalitatiewe asook kwantitatiewe databronne as
navorsingsmetodologie. Die literatuurstudie fokus op Piaget (1973) se teorie van kognitiewe
ontwikkeling, die sosiaal-konstruktivistiese taalverwerwingsteorie van Vygotsky (1978) en
Cummins (1984; 1988), en Pretorius en Mampuru (2007) se teorieë rakende die aanleer van ’n
tweede taal. ’n Skool in die Wes-Kaap is oor ’n tydperk van twee kwartale besoek, waartydens
waarnemings gemaak is en onderhoude gevoer is met leerders, hul ouers en die
Afrikaansonderwyser, terwyl leerders se boeke as databron gebruik is.
Hierdie artikel sal vir die leser aanbevelings gee oor die leerpraktyke vir Afrikaans EAT van
graad 4-derde- of -vierdetaalsprekers, binne ’n meertalige en sosiokulturele konteks. Verdere
navorsing kan uit hierdie ondersoek ontwikkel word om voorspraak te maak vir verskillende
etnografiese benaderings wat huislike en skoolgeletterdheid integreer sodat die leerpraktyke
binne en buite die klaskamer, sowel as in die Afrikaans EAT-kurrikulum, verbeter word. Dit
is belangrik dat die leerpraktyke die rol van die addisioneletaalonderwyser, as ’n strategiese
fasiliteerder van tweedetaalleer van veral leerders van die minderheidsgroep sal definieer.
Indien hierdie rol nie erken word nie, sal kurrikulumbeleide steeds nie kognitiewe geregtigheid
vir leerders wat leerondersteuning nodig het met die aanleer van addisionele tale in Suid-Afrika
en in ander lande ondersteun nie.
Description
CITATION: Nel, J., Le Cordeur, M. & Kese, P. 2019. Taal en praktyk : 'n gevallestudie oor Afrikaans Eerste Addisionele Taal by graad 4-leerders in 'n meertalige skool. LitNet Akademies, 16(3):591-620.
The original publication is available at https://www.litnet.co.za
The original publication is available at https://www.litnet.co.za
Keywords
Second language acquisition, Afrikaans language -- Study and teaching, Multilingual education -- South Africa
Citation
Nel, J., Le Cordeur, M. & Kese, P. 2019. Taal en praktyk : 'n gevallestudie oor Afrikaans Eerste Addisionele Taal by graad 4-leerders in 'n meertalige skool. LitNet Akademies, 16(3):591-620.