Die belang van kritiese selfrefleksie deur joernalistiekopvoeders
Date
2018
Authors
Journal Title
Journal ISSN
Volume Title
Publisher
Suid-Afrikaanse Akademie vir Wetenskap en Kuns
Abstract
Die joernalistieke bedryf is onder groot druk en verander teen ʼn ongekende pas. Dit beteken
joernalistiekopvoeders – veral op tersiêre vlak – moet gedurig herbesin oor wat in die
lesinglokaal gebeur om tred te hou met omwentelinge in die bedryf. Die kernargument in
hierdie artikel is dat joernalistiekopvoeders die basiese beginsels van kritiese selfreflektiewe
onderrigpraktyk in gedagte moet hou wanneer hulle interaksie met studente het en kurrikula
ontwikkel. Kritiese selfreflektiewe onderrigpraktyk beteken om deeglik na te dink oor bestaande
waardestelsels en ervaring alvorens besluite oor toekomstige onderrigbenaderings gemaak
word (Larrivee 2000:294).
In die artikel word kennis geneem van debatte binne joernalistiekonderrig, wat insluit die
soms gespanne verhouding tussen die akademie en die bedryf, sowel as onsekerheid wat steeds
bestaan oor waar joernalistiekprogramme in die groter universiteitsomgewing inpas. Aandag
word ook geskenk aan die veranderende leerstyle van studente. Die gebruik van digitale
media-tegnologie word as voorbeeld gebruik van hoe daar soms wanopvattings kan bestaan
oor studente se ervaring binne en buite die lesinglokaal.
Kritiese selfreflektiewe onderrigpraktyk word gedefinieer ten einde te argumenteer dat
dié benadering veral relevant kan wees vir joernalistiekonderrig op universiteit. As voorbeeld
van hoe kritiese selfrefleksie aangewakker kan word onder joernalistiekopvoeders, word
verwys na ʼn gevallestudie by die Universiteit Stellenbosch se nagraadse joernalistiekdepartement.
In dié geval word terugvoer uit fokusgroepe met honneursstudente aangewend om te
reflekteer oor kursusinhoud en leerbenaderings wat ook tot kurrikulumvernuwing kan lei.
Description
CITATION: Jordaan, M. 2018. Die belang van kritiese selfrefleksie deur joernalistiekopvoeders. Tydskrif vir Geesteswetenskappe, 58(4-1):2224-7912, doi:10.17159/2224-7912/2018/v58n4-1a13
The original publication is available at http://www.scielo.org.za
The original publication is available at http://www.scielo.org.za
Keywords
Journalism -- Study and teaching
Citation
Jordaan, M. 2018. Die belang van kritiese selfrefleksie deur joernalistiekopvoeders. Tydskrif vir Geesteswetenskappe, 58(4-1):2224-7912, doi:10.17159/2224-7912/2018/v58n4-1a13