Die geskiedenis van Saldanhabaai, St. Helenabaai en Dasseneiland, 1652-1806

Roux, Anthonie Petrus (1975-03)

Thesis (MA)--Stellenbosch University, 1975.

Maps may be cut off due to original copy.

Thesis

AFRIKAANSE OPSOMMING: Hierdie ondersoek dek hoofsaaklik die verloop van gebeurtenisse langs die laer weskus van Suid-Afrika vanaf St.Helenabaai tot by Dasseneiland. Dit is onderneem vanweë 'n persoonlike belangstelling in die geskiedenis van die gebied en vanweë die klaarblyklike leemte aan wetenskaplik gefundeerde streeksondersoeke in die Suid-Afrikaanse geskiedskrywing. Aangesien die geskiedenis van die gebied in die tydperk onder behandeling weinig omvattende en deurlopende ontwikkeling vertoon het, is heelwat probleme ondervind. Die beperkte omvang van die ontwikkeling het 'n ondersoek oor 'n lang periode van die geskiedenis met gepaardgaande uitgebreide bronnestudie genoodsaak. Die gebrek aan deurlopende ontwikkeling het dit moeilik gemaak om die materiaal in sinvolle eenhede in te deel. Om die probleem op te los, is besluit om die tematiese en chronologiese benadering te kombineer. Verreweg die meeste inligting oor die onderwerp is hoofsaaklik uit argivale en letterkundige bronne verkry. Die argivale navorsing is uitsluitlik in die Kaapse Argiefbewaarplek gedoen. Die res van die navorsing is verrig in die Suid-Afrikaanse Biblioteek en die Mendelsohn-biblioteek in Kaapstad en die Carnegie-biblioteek op Stellenbosch. Terreinondersoek het ook interessante inligting verskaf.

ENGLISH ABSTRACT: No abstract available

Please refer to this item in SUNScholar by using the following persistent URL: http://hdl.handle.net/10019.1/67919
This item appears in the following collections: